Հիմա յուրաքանչյուրը կարող է պատրաստել հավը KFC-ի 1940թ. գաղտնի բաղադրատոմսով

474

Մի ամբողջ 67 տարի (1940 թվականից) KFC ընկերությունը հույժ գաղտնի էր պահում հավի պատրաստման բաղադրատոմսը և ահա վերջերս Chicago Tribune թերթը հրապարակեց այն:

«11 կանաչիների և համեմունքների» օրիգինալ բաղադրատոմսը խմբագրությանը բացահայտել է գնդապետ Սանդերսի զարմիկը: Տղամարդը գտել է այն KFC-ի հիմնադրի երկրորդ կնոջ գրառումներում:

Ահա և լեգենդար բաղադրատոմսը, ըստ որի կարելի է պատրաստել ամենահամեղ հավը:

Պատրաստման ժամանակը՝ 30 րոպե: Թրջելու համար ժամանակը՝ 20-30 րոպե: Տապակելու համար ժամանակը՝ 15-18 րոպե:

Բաժինների քանակը՝ 4:

Բաղադրիչները.

  • Ալյուր – 2 բաժակ, Աղ – 2/3 ճ/գ
  • Ուրցի չոր տերևներ – 1/2 ճ/գ, Ռեհանի չոր տերևներ – 1/2 ճ/գ
  • Խնկածաղկի (սուսամբար) չոր տերևներ – 1/3 ճ/գ
  • Նեխուրի աղ – 1 ճ/գ, Աղացած սև պղպեղ – 1 ճ/գ
  • Չոր մանանեխ – 1 ճ/գ, Կարմիր քաղցր պղպեղ – 4 ճ/գ
  • Սխտորի աղ – 2 ճ/գ, Աղացած կոճապղպեղ – 3 ճ/գ
  • Աղացած սպիտակ պղպեղ – 3 ճ/գ
  • Անյուղ սերուցք – 1 բաժակ, Հարած ձու – 1 հատ
  • 1 հավ՝ կտրատված մասերի, Կանոլայի յուղ

Պատրաստման եղանակը.

1. Տարայի մեջ խառնել ալյուրը և բոլոր համեմունքները:

2. Մեկ այլ տարայի մեջ հարել սերուցքը և ձուն: Հավը թրջել այդ խառնուրդի մեջ 20-30 րոպե:

3. Հանել սերուցքային խառնուրդից և սպասել մինչև ավելցուկը հոսի: Թաթախել հավը ալյուրի և համեմունքների խառնուրդի մեջ, թափահարել ավելցուկը: Դնել հավը ցանցի վրա և թողնել 20 րոպե:

4. Քանի հավը հանգստանում է, հաստ պատերով կաթսայի մեջ 7-8 սմ յուղ լցնել և տաքացնել մինչև 175 աստիճան: Երբ տաքությունը հասնում է 175 աստիճանի, իջեցնել կրակը միջին բարձրության: Տապակել 3-4 կտոր հավ 15-18 րոպե: Տապակելիս շրջել 1 անգամ:

Աղբյուր՝ 168.am