Ինչու Կշեռքները պետք է լինեն յուրաքանչյուրի կյանքում

1515

Կշեռքները լավագույնս գտնում են և պահպանում հավասարակաշռությունը: Խնդիրների դեպքում մարդիկ հաճախ են դիմում կենդանակերպի այս նշանի ներկայացուցիչների օգնությանը, քանի որ նրանք կարողանում են իրավիճակն այլ կողմից դիտարկել: Նրանք փորձում են հասկանալ բոլոր տեսակետները, նախքան եզրահանգումներ անելն ու առաջ շարժվելը:

Կշեռքները երբեք չեն խոստանում լուծել ձեր ցանկացած խնդիր, բայց անհրաժեշտության դեպքում կարող են ներդնել բոլոր ջանքերը՝ ձեզ օգնելու համար: Եթե էմոցիոնալ աջակցության կարիք ունեք, դիմեք կենդանակերպի այս նշանի ներկայացուցիչների օգնությանը: Կշեռքները պատրաստ են լսել ձեզ:

Կենդանակերպի այս նշանի ներկայացուցիչները տանել չեն կարողանում, երբ իրենց շրջապատում է բացասական էներգիան: Նրանց շրջապատող մարդիկ պետք է դրական էներգետիկա ունենան և խուսափեն կոնֆլիկտներից: Երբ դա տեղի չի ունենում, Կշեռքները հիասթափվում են մարդկանցից, դադարում են շփվել նրանց հետ:

Ուշադրություն դարձրեք. Կշեռքները ձեզ հետ ընկերություն չեն անի, եթե վատ մարդ եք, բայց հանուն ընկներների պատրաստ են համաձայնության գալ թեկուզ սատանայի հետ:

Կշեռքները հիասքանչ են: Նրանք հեշտությամբ դուր են գալիս մարդկանց, քանի որ կարողանում են նրանց ստիպել իրենց կարևոր ու հետաքրքիր զգալ: Կենդանակերպի այս նշանի ներկայացուցիչները կարողանում են լսել:

Նրանք տեղեկացված են ձեր զգացմունքների ու էմոցիաների մասին, կարողանում են կանխատեսել իրենց և մյուսների քայլերի հետևանքները: Կշեռքները շրջահայաց են, ընկալունակ: Ձգտում են մտերմանալ մարդկանց հետ, ովքեր իրենց դուր են գալիս, երկարաժամկետ ընկերական հարաբերություններ են որոնում: Միևնույն ժամանակ տանել չեն կարողանում մակերսային մարդկանց, կդադարեն շփվել ձեզ հետ, երբ կեղծավորություն նկատեն:

Զգացմունքային են: Ընկալունակ են, իրականում հետաքրքրված են՝ ինչ է կատարվում ընկերների կյանքում: Կշեռքներն արագ են հարթում կոնֆլիկտներն իրենց խարիզմի ու բարության շնորհիվ:

Ռոմանտիկ են: Կշեռքները սիրում են ամբողջ սրտով: Նրանք ցանկանում են, որ զուգընկերը վստահ լինի, որ իր մասին հոգ են տանում: Եթե երբևէ սիրային հարաբերություն եք ունեցել Կշեռքի հետ, նրա մասին կհիշեք ամբողջ կյանքում:

Կշեռքները նվիրված զուգընկեր են, ովքեր սիրելիի պահանջները սեփականից վեր են դասում: Կենդանակերպի այս նշանի ներկայացուցիչները հակված չեն հավատալու սիրուն առաջին հայացքից: Հարաբերություններում զգուշավոր են, ամուր կապ են որոնում:

Կշեռքները սոցիալական մարդիկ են: Ոչ ոք ավելի լավ ելք չի գտնում անհարմար իրավիճակներից, քան Կշեռքները: Նրանք լավ դիվանագետներ են, հեշտությամբ կարողանում են բացատրել ցանկացած տարօրինակ բան: Կենդանակերպի այս նշանի ներկայացուցիչներին դուր է գալիս լինել ուրիշների շրջապատում: Կշեռքները ստեղծագործող մարդիկ են, ում երկխոսություններ են հարկավոր:

Գրեթե միշտ հաջողությունների են հասնում, քանի որ երբեք կանգ չեն առնում ձեռքբերումների ճանապարհին: Միշտ ավելին են պահանջում թե իրենցից, թե մյուսներից:

Արտաքին ու ներքին գեղեցկություն: Կշեռքները գրավիչ արտաքին ունեն, նրանց գեղեցկության գաղտնիքը բնական լինելն է: Կենդանակերպի այս նշանի ներկայացուցիչները գնահատում են գեղեցկությունն ամեն ինչում: Հաճախ են հպարտանում ոճի իրենց զգացումով, ինչի իրավունքն իսկապես ունեն: Կշեռքները ներողություն չեն խնդրում այն բանի համար, որ սիրում են գեղեցիկն ու հաճելին:

Իդեալական կոլեգաներ ու ղեկավարներ են: Կշեռքները կարողանում են ղեկավարել մյուսների էներգիան: Կարողանում են մոտիվացնել մարդկանց, նրանց ստիպել աշխատել հնարավորությունների սահմանում: Ընդ որում, կարողանում են խուսափել կոնֆլիկտներից, քանի որ պարզապես անհրաժեշտություն չեն տեսնում դրանց վրա ժամանակ վատնելու:

Կենդանակերպի այս նշանի ներկայացուցիչները գնահատում են առողջ հարաբերությունները գործընկերների հետ: Անում են հնարավոր ամեն բան՝ դրանց ներդաշանակությունն ապահովելու համար:

Ինտելեկտուալ են: Կենդանակերպի այս նշանի ներկայացուցիչները միշտ ինքնազարգացման են ձգտում: Միշտ պահպանում են ռացիոնալ մտածելու կարողությունը: Տանել չեն կարողանում աշխատանքն էքստրեմալ պայմաններում:

Կարողանում են գնահատել գեղեցկությունը: Կենդանակերպի այս նշանի ներկայացուցիչները մշակութային մարդիկ են: Կշեռքները հիմնականում կարդացած են, լավ տեղեկացված, ոճային հագուստ են կրում:

Իդեալիստ են: Կշեռքները միշտ որոնում են ամենալավը, ամենակատարյալը, ապրելու ամենաներդաշնակ ձևը: Նրանց իդեալական աշխարհում ամեն ինչ հավասարակշռված է, արդար, չկան կոնֆլիկտներ: Իհարկե, այդ իդեալական աշխարհը գոյություն չունի, և դա Կշեռքների կյանքի գլխավոր հիասթափությունն է:

Այդ պատճառով նրանք միշտ ձգտում են հասնել սեփական անձնական տարածությանը: Կշեռքները միշտ միջոցներ են որոնում՝ ամեն բան ավելի լավ ու արագ անելու համար: Դա նրանց երբեմն խանգարում է վայելել այս պահը, բայց իդեալականին ձգտելու գինը դա է:

Աղբյուր