Ողբերգական ավտովթարից մահացած զինծառայող Հրանտ Գասպարյանը Երեւանի բնակիչ էր (լուսանկարներ)

837

Այսօր ողբերգական ավտովթարից մահացած շարքային զինծառայող Հրանտ Գասպարյանը Երեւանից էր՝ Մալաթիա-Սեբաստիա վարչական շրջանի բնակիչ:

20-ամյա զինծառայողը մի քանի ամսից պետք է զորացրվեր:

Ողբերգական ավտովթարը տեղի է ունեցել Որոտան-Խնձորեսկ ավտոճանապարհի 5-րդ կմ հատվածում. N զորամասի հաշվեկշռում գտնվող «Կամազ» մակնիշի ավտոմեքենան դուրս է եկել ճանապարհի երթեւեկելի մասից եւ գլորվել ձորը, ինչի հետեւանքով ավտոմեքենայի վարորդ, պարտադիր ժամկետային զինծառայող, շարքային Էդգար Արմենի Հունանյանը եւ ավտոմեքենայի թափքում գտնվող պարտադիր ժամկետային զինծառայողներ, շարքայիններ`Հայրապետ Վոլոդյայի Նաիրյանը, Հրանտ Արայի Գասպարյանը եւ Դավիթ Բենիամինի Մելքոնյանը ստացած մարմնական վնասվածքներից մահացել են: